Холивудскиот пар Зендеја и Том Холанд повторно ги освоија симпатиите на јавноста. Само неколку дена откако потврдија дека стапиле во брак, актерите привлекоа огромно внимание за време на промоцијата на новиот филм „Spider-Man: Brand New Day“, каде што со еден едноставен, но исклучително нежен гест уште еднаш ја покажаа својата блискост.
За време на интервјуто за „SensaCine México“, новинарката Кристина Ибањез ги пофали не само како животни партнери, туку и како успешен актерски тандем.
„Ви се восхитувам како колеги. Сите ве познаваат како пар или како поединци, но мислам дека сте и извонредни соработници“, им рече таа.
Двајцата ѝ се заблагодарија со насмевка, а само неколку моменти подоцна следеше гест кој стана вистински хит на социјалните мрежи.
Додека разговараа, Зендеја нежно ја стави раката врз раката на Том Холанд и накратко ја стисна, по што двајцата разменија насмевки. Краткиот момент веднаш стана вирален, а обожавателите коментираа дека токму ваквите мали гестови најдобро ја покажуваат силата на нивната љубов.
Многумина повторно го забележаа и впечатливиот венчален прстен на Зендеја, кој повторно предизвика бројни реакции и коментари на интернет.
Неодамна парот официјално потврди дека се венчал по долгогодишната врска која започна во 2017 година, за време на снимањето на филмот „Spider-Man: Homecoming“. Иако долго време ја чуваа својата романса далеку од очите на јавноста, врската официјално ја потврдија во 2021 година, а свршувачката стана јавна на почетокот на минатата година.
За свадбата Том Холанд првпат зборуваше неодамна во интервју за „Esquire UK“. На прашањето дали морал да им објаснува на своите блиски за фотографиите создадени со вештачка интелигенција, на кои наводно се гледало нивното венчавање, актерот низ смеа одговори:
„Не, затоа што сите беа таму.“
Освен што повторно ќе се појават заедно во новото продолжение на „Spider-Man“, Том Холанд и Зендеја ќе глумат и во филмот „The Odyssey“ на режисерот Кристофер Нолан.
Холанд откри дека токму сопругата го убедила да ја прифати улогата.
„Ѝ реков на З дека добив понуда за филм. Ме праша кој го режира, а кога одговорив дека е Кристофер Нолан, ми рече: ‘Ќе те оставам ако не ја прифатиш улогата во The Odyssey’“, се пошегува актерот, предизвикувајќи смеа кај присутните.
Со секое ново појавување во јавноста, Зендеја и Том Холанд потврдуваат дека не се само еден од најуспешните актерски парови во Холивуд, туку и двојка чија искреност, блискост и меѓусебна поддршка постојано ги освојуваат симпатиите на милиони обожаватели ширум светот.
