Градежната компанија „Стентон Градба“ е дел од EUROCK 2026, еден од значајните меѓународни стручни настани од областа на карпестото инженерство и геотехниката, кој од 15 до 19 септември се одржува во Скопје.
Конференцијата EUROCK 2026, чија централна тема е „Управување со ризици во карпестото инженерство“, во хотелот „Александар Палас“ обединува инженери, истражувачи, проектанти, консултанти, академски експерти и претставници на компании од повеќе земји.
Меѓу учесниците на овој значаен меѓународен собир е и Стентон Градба, со што компанијата уште еднаш ја потврдува својата определба да ги следи современите трендови, технологии и инженерски решенија во градежништвото и да биде присутна на настани кои овозможуваат размена на стручни знаења и искуства на меѓународно ниво.
EUROCK 2026 е насочен кон актуелните предизвици во карпестото инженерство, особено при работа во сложени геолошки услови, урбани средини и во близина на критична инфраструктура. Во фокусот се безбедноста, одржливоста и отпорноста на инженерските решенија, како и примената на нови технологии и современи методи за процена и управување со ризици.
Програмата опфаќа технички сесии, работилници, кратки специјализирани курсеви, индустриска изложба и технички посети, а посебно внимание е посветено и на младите инженери и истражувачи преку натпревари за научни трудови, постери и RockBowl натпреварот.
За Стентон Градба, учеството на EUROCK 2026 претставува можност за непосредно следење на најновите инженерски практики, размена на искуства со експерти и компании од меѓународната сцена и воспоставување нови професионални контакти. Ваквите настани се особено значајни во период кога инфраструктурните и градежните проекти стануваат сè покомплексни, а барањата за безбедност, квалитет, одржливост и ефикасно управување со ризици се сè повисоки.
Присуството на Стентон Градба на EUROCK 2026 е продолжение на заложбата на компанијата за континуирано унапредување, примена на современи инженерски стандарди и градење партнерства кои придонесуваат за развој на градежниот сектор.
EUROCK 2026 се одржува од 15 до 19 септември 2026 година во хотелот „Александар Палас“ во Скопје, во организација на Македонската асоцијација за геотехника, како регионален симпозиум на Меѓународното друштво за механика на карпи и карпесто инженерство – ISRM.
