Хрватската рок-група „Парни ваљак“ ќе пее на плоштадот Македонија во Скопје за новогодишната прослава на 31 декември.
Веста денеска ја кажа градоначалникот Петре Шилегов, иако Аки Рахимовски пред неполн месец најави дека ќе има концерт во Скопје.
„Нова година ќе ја минам во моето Скопје, по толку години. Секогаш сум бил на некое друго место, но овој пат нема“, рече Аки неодамна.
Покрај „Парни ваљак“, ќе настапат неколку домашни пејачи, рок-бенд од Косово, а по концертот на хрватската група, музика ќе пушта диџеј.
