Таткото на српската пејачка Марија Шерифовиќ, Рајко Шерифовиќ, беше погребан на гробиштата Бозман во Крагуевац. Членови на семејството и најблиски пријатели се собраа на последното збогување.
За време на погребот, Марија одржа емотивен проштален говор. „Драг тато, се збогуваме од тебе, но знај дека сè вреди за трудот и дека ќе ни недостигаш“, рече таа, пренесува Блиц.
Продолжувајќи го својот говор, Марија ја спомена и нејзината мајка Верица Шерифовиќ и остатокот од нејзиното семејство.
„На твојата омилена пејачка, твојата Верица, ќе ѝ недостигаш, иако никогаш нема да го признае тоа. Денес, тато, сакам да знаеш дека успеав да разберам сè, не ти замерувам ништо, тато. Сакам да останеш со мене и во мене затоа што си мојот драг татко. Тато, каде и да си сега, погледни нè, запали црвен Марлборо и знај дека сè вредеше. Прегрни го мојот чичко, таа мала дама, мојата баба и твојата мајка кои нè сакаа сите. Те сакаат твојата ќерка Марија, синот Даниел, внукот Марио и твојата омилена пејачка Верица“, рече таа.
Српските медиуми објавија дека тој починал во Крагуевац по кратка и тешка болест. Рајко се оженил со Верица Шерифовиќ во 1982 година, со која ја добил Марија. До неодамна, пејачката и нејзиниот татко биле во лоши односи, а потоа, додека гостувала во емисијата „На терапија со Славица Ѓукиќ Дејановиќ“, Марија рекла дека се смириле.
фото: принтскрин
