Српски пејач со нож ги избол членовите на својот бенд

Српскиот пејач Милош Стевановиќ (39) од Крагуевац со нож избол двајца членови на својот бенд, откако претходно имале силна караница. Тепачката се случила викендов, во близина на ресторанот „Регент“, а очевидци за српските медиуми велат дека досега не виделе толку крвави и страшни сцени.

„Најлошо од сè е што се загрозени два млади животи. По расправија што била меѓу неколку лица пред овој познат угостителски објект, избила крвавата пресметка. Осомничениот во моментот на нападот бил во алкохолизирана состојба, а нападот се случил пред објектот во кој настапувал со својот бенд. Прво внатре се искарал со колегите, а потоа излегол надвор и ги нападнал откако го зел ножот од својот автомобил“, пишува Нова.рс.

Српските медиуми велат и дека пејачот бил главниот виновник за овој настан и од засега непознати причини им нанел тешки телесни повреди на две лица кои сè уште се во животна опасност.

Според неофицијални информации од УКЦ Крагуевац, на едно лице му е изваден бубрегот и засега не се знае дали ќе успеат да преживеат од повредите кои им ги задал пејачот.

Scroll to Top