Во Крушево ќе се одбележи денот на раѓањето на Тоше

Утре, 25 јануари, во Крушево ќе се одбележи денот на раѓањето на Тоше Проески.

Локалната самоуправа на Крушево во соработка со спомен-куќата „Тодор Проески“, меѓународната фондацијата „Тоше Проески“ и учениците од средното училиште „Наум Наумовски – Борче“ ќе организираат музичка манифестација.

Најпрво во 11 часот и 15 минути (времето кога се родил Тоше во 1981 година) ќе бидат положени свежи цвеќиња на неговиот гроб на Гумење. Во 11:30 часот во спомен-куќата „Тодор Проески“ ќе почне музичка манифестација: локалниот бенд „Кици и Пеце“, хорот на средното училиште „Наум Наумовски – Борче“ и оперскиот сопран Билјана Јосифов придружувана од клавијатуристот Сашко Николовски.

Во Крушево се веќе пристигнати фановите од Македонија и од целиот Балкан, кои секоја година се собираат за да го одбележат роденденот на Тоше и да му оддадат почит.

 

Scroll to Top