Серена Вилијамс, една од најголемите спортистки на сите времиња, побара совет од своите фанови на социјалните мрежи како да го чува своето бебе. Таа е во рана фаза од мајчинството и јавно признава дека е стресно да се биде мајка, па побара помош од своите десет милиони следбеници на „Твитер“. Проблемот на Серена е што тримесечната Алексис Олимпија Оханјан не престанува да плаче затоа што почнале да ѝ растат првите заби.
„Сѐ пробавме, но ништо не го решава проблемот. Многу плаче, иако не беше плачливо бебе, и така сѐ додека не заспие. Понекогаш ми го крши срцето кога ја гледам таква. Помош, кој било?“, напиша Серена на „Твитер“.
Серена Вилијамс се породи во септември и оттогаш редовно ги споделува своите мајчински искуства на „Твитер“.