Актерката Флоренс Пју (27) е актуелна актерка по филмот „Опенхајмер“, на Кристофер Нолан, кој доби одлични критики од публиката. Младата Британка со хаски глас стана една од најбараните актерки во Америка благодарение на нејзината харизма и талент.
„Глумата ме привлече бидејќи рано ја сфатив нејзината моќ. Ми се допадна како сите во публиката молчеа и чекаа што ќе кажам следно на сцената“, објаснила Пју зошто одбрала да биде актерка.
Таа беше номинирана за наградата на Британскиот филмски институт за најдобра нова актерка за нејзината прва улога во филмот „The Haze“ од 2014 година, а четири години подоцна во слабо оценетата телевизиска серија „Девојката тапанар“ заснована на романот на Џон ле Каре таа беше поздравена како млада надеж.
„Флоренс е едноставно одлична. Таа многу паметно го прикажа својот лик како здрав разум со двете нозе цврсто на земја, а во исто време е софистицирана, мудра, но и наивна“, изјавил за неа Ричард Лосон.
Како еден од нејзините адути, многумина го истакнуваат нејзиниот специфичен, малку рапав глас. За првпат наидела на очекувањата на Холивуд, кои воопшто не и се допаднале, кога глумела во пилот епизодата на американската серија „Студио Сити“.
-„Ми рекоа дека морам да ослабам, да ја сменам фризурата и други работи “, изјавила актерката по снимањето.
Не се прилагодила на холивудските стандарди и се вратила дома каде режисерот ја прифатил таква каква што е. Првата главна женска улога ја одиграла во 2016 година во филмот „Лејди Магбет“, а за секоја наредна добивала многу пофалби.
Режисерот на филмот „Дина“, чиј втор дел доаѓа во кината оваа есен, имаше само пофални зборови за актерката.
„Иако е сеуште млада, полна е со самодоверба. Се чувствував како да работам со некој кој може да направи се и да покаже низа различни емоции пред камерата. Сакам да снимам филмови со актери како Зендаја, Тимоти Шаламе и Флоренс Пју. Тие се членови на новата генерација актери, харизматични личности за кои луѓето ќе продолжат да одат во кино. Накратко, тие се иднината на Холивуд, а таа иднина е веќе започната“, изјавила Денис Вилнев.
