Многу познати личности блеснаа во луксузни креации во Лос Анџелес. Годишните награди „Гувернери“ привлекоа убавици од различни сфери на уметноста, меѓу нив беше и пејачката и актерка Џенифер Лопез, која секогаш има моќен аутфит за вакви настани.
Латино дивата одлучи да носи корсет фустан од познатата дизајнерка Тамара Ралф за оваа пригода. Тој е украсен со длабоко деколте кое ги нагласува градите, но и навидум едноставен крој.
Станува збор за комбинација од материјали – беж сатен и црн плиш, што совршено ја нагласува фигурата на песочен часовник на Џенифер.
Стилингот го комплетираше со црни ракавици, исто така изработени од плишан материјал, чантичка и додатоци од луксузниот бренд „Шопард“.
Што се однесува до техниката на шминкање, пејачката се одлучи за беж нијанси кои само малку ја истакнуваа нејзината убавина.
фото: принтскрин
