Кралицата го продава својот нов службен кралски пијалак џинот, пишуваат британските медиуми. Како што пренесуваат тие, кралскиот пијалак ќе се служи на разни настани во палатата, а од кралското семејство најавија дека целиот приход ќе оди во фондациите за одржување на имотот.
Кралското семејство со години ги споделува со јавноста своите кулинарски рецепти, но работи и на брендирање на производите. Еден од таквите е и џинот што се прави од билки од градините на Бакингемската палата. Зад овој алкохол, кој е омилен во летниот период, стои кралското семејство.
Кралскиот џин е направен од 12 различни видови билки, а се рекламира и како пијалак со кој можете да се чувствувате кралски, а истовремено тоа да не влијае премногу на вашата сметка.
Се работи за пијалак што содржи 42% алкохол, а се продава во шише од 0,7 литри. Кралскиот џин се продава за цена од 40 фунти, а во моментов може да се нарача исклучиво во Велика Британија. Во иднина се очекува истиот да се дистрибуира и пошироко.
