Во Норфолк, кој се наоѓа во источниот дел на Англија, се наоѓа имотот Анмер Хол, кој некогаш бил дом на покојната кралица Елизабета Втора. Таа лично му го подари на својот внук, принцот Вилијам и неговата сопруга Кејт Мидлтон, и токму таму тие и нивното семејство го поминаа времето кога светот беше зафатен од пандемијата на коронавирус.
И ова лето, како дестинација за одмор, брачната двојка го избра својот втор дом. Принцот и принцезата од Велс традиционално ја користат оваа резиденција за одмор, уживајќи во селата, со дополнителна придобивка од врвна изолација од љубопитните очи на јавноста.
Овој имот се наоѓа во Норфолк на имотот Сандрингам, а како свадбен подарок во 2011 година им го подарила покојната кралица.
За да имаат што е можно поголема приватност, уште во 2013 година решиле да изградат најсовремен систем за заштита со комбинација на челична ограда збогатена со раскошни дрвја, што им го обезбедило бараниот мир.
А она што особено ги израдува фановите на кралското семејство и локалното население е тоа што кралското семејство не се крие зад ѕидовите на нивниот имот, туку често може да се види во локалните продавници и пабови.
За Кејт Мидлтон е задолжително барем едно патување со децата во Мејблс Пајнт Пот, каде што бојадисуваат керамика.
– Кејт е редовен посетител таму и секогаш доаѓа со децата, а причината зошто толку многу сакаат да доаѓаат овде е што никој не им обрнува посебно внимание. Тие го сметаат Норфолк за нивен вистински дом и затоа што жителите таму се однесуваат нормално со нив и ги оставаат да си го живеат животот – открил извор за магазинот „Хелоу“.
Причината поради која повеќе сакаат да летуваат таму е тоа што можат да уживаат на плажа и да пливаат, а за да имаат барем малку приватност често знаат да запловат со јахта наоколу.
– И покрај тоа, на кралското семејство би било тешко само да дојде на плажа во шпицот на сезоната. Фактот што пловат со брод им дава одредена приватност, но и сигурност, а повторно кога сакаат можат да уживаат во убавината на локалните плажи – раскажал изворот.
Споменатата куќа може да се пофали со десет спални соби, за чие реновирање се инвестирани околу 1,5 милиони фунти. Тогаш имотот бил збогатен со модерна патека, зимска градина и тениско игралиште.
Самата куќа е изградена во 1802 година и може да се пофали со речиси недопрено поткровје и специјални прозорци кои на сè му даваат дополнителен шарм, како што пренесуваат странските медиуми.
