Холивудската актерка Натали Портман и нејзиниот сопруг Бенџамин Милепид наводно се разделиле по гласините дека тој имал афера, по 11 години брак.
„Откако веста за неговата афера излезе во јавноста, тие се обидоа да поработат на бракот, но сето тоа доведе до раскинување“, потврдил извор близок на парот.
Претставниците на Портман и Милепид не одговориле веднаш на барањето на Пејџ Сикс за коментар, но Портман беше забележана во Сиднеј минатата недела без нејзиниот сопруг, и покрај нивната годишнина од брак тој викенд.
Исто така, некои забележале дека познатата актерка не го носи вереничкиот прстен од 4 карати дизајниран од Џејми Волф.
Веста за разводот на познатата актерка и францускиот танчер и кореограф се појавија откако почнаа шпекулациите за наводното пријателство на Милепид со активистката за климатски промени Камил Етјен.
Францускиот магазин Voici објави слики од средбата на Милепид и Етјен во неговата канцеларија. Биле видени како одвоено влегуваат во зградата, а потоа излегуваат со разлика од 10 минути речиси два часа подоцна. Придружниот напис тврди дека Портман дознала за наводното неверство на нејзиниот сопруг пред неколку месеци. Тогаш се пишуваше дека Натали и Бенџамин се обидуваат да го спасат својот брак, но очигледно неуспешно.
„Не раскинаа и се обидуваат да ги решат работите. Бен прави се што може за да ја натера Натали да му прости. Тој ја сака неа и нивното семејство“, изјавил тогашен инсајдерски за „Пејџ сикс“. Изворот додал дека Портман исклучително ја почитува нејзината приватност и дека во моментов нејзиниот најголем фокус е заштитата на децата, мислејќи на нејзиниот син Алеф (12) и ќерката Амалија (6).
Етјен е автор на книгата „За еколошко востание: надминување на нашата колективна немоќ“, а познатата еколошка активистка Грета Тунберг ја смета за една од своите пријатели. Тие беа во брак од 2012 година, кога тој ја запроси во Калифорнија.
