Сестрата на Селин Дион, Клодет Дион сподели вест за здравствената состојба на познатата пејачка поврзана со дијагнозата на синдромот на вкочанета личност, поради што таа ја откажа светската турнеја.
Во интервју за Le Journal de Montreal, Клодет рече дека 55-годишната Селин ја чува нивната сестра Линда и дека тесно соработува со специјализирани лекари кои ја истражуваат ретката состојба.
„Не можеме да најдеме лек кој делува, но важно е да не губиме надеж. Јас навистина верувам дека она што најмногу и треба е одмор. Таа секогаш оди над и подалеку кога настапува, се труди да биде најдобра и на врвот на нејзината игра. Во еден миг вашето срце и вашето тело се обидуваат да ви кажат нешто. Важно е да го слушате тоа“, нагласила таа.
Синдромот на вкочанета личност е неизлечива невролошка состојба која резултира со неконтролирани мускулни грчеви. Погодува само еден од милион луѓе. Сепак, Селин максимално ги слушала врвните истражувачи од областа на оваа ретка болест и семејството верува дека еден ден ќе најде начин на рехабилитација што ќе и овозможи да се врати на сцената.
„Состојбата ѝ е вродена, таа е дисциплинирана во секоја област од животот“, додала Клодет. Како што вели, кога не може сама да зборува со Селин, Клодет добива известувања за здравјето од Линда, која сега живее со пејачката во нејзиниот дом во Лас Вегас.
„Кога и се јавам на Селин и таа е зафатена, разговарам со сестра ми Линда која живее со неа и таа ми вели дека напорно работи на себе“, изјавила таа за весникот.
Обожавателите на пејачката со моќен глас и покажаа огромна поддршка на Селин кога се појави веста дека ја откажала светската турнеја поради здравствени проблеми во мај. Таа претходно ги одложи закажаните настапи откако јавно ја сподели дијагнозата во декември 2022 година.
Селин преку Инстаграм објави дека е страшно разочарана што нема да може да настапи на својата светска турнеја.
„Со големо разочарување мораме да го објавиме откажувањето на Courage World Tour. Жал ми е што повторно ве разочарувам сите. Работам навистина напорно за да ја вратам силата, но турнејата може да биде многу тешко дури и кога сум 100 проценти здрава. Не е фер кон вас што постојано ги одложуваме настапите, и иако срцето ми е скршено, најдобро е да откажам сè сега додека навистина не бидам подготвена повторно да се вратам на сцената. Сакам сите да знаете, не се откажувам… и едвај чекам да ве видам сите повторно“, рече Селин.
Пејачката исто така сподели слика од списокот на сите откажани датуми на турнеја, вклучувајќи концерти во Хрватска, Франција, Белгија, Данска, Полска и Велика Британија, а во изјавата таа истакна: „Се надеваме дека наскоро Селин ќе може да дојде до сите овие градови во Европа како што би настапила за нејзините неверојатни обожаватели, но тоа време не е сега“.
Селин во декември откри дека и било дијагностицирано ретко невролошко пореметување, кое предизвикува неконтролирано истегнување на мускулите и на крајот ги прави болните да изгледаат како човечки статуи бидејќи постепено го заглавува телото во крути позиции, а болните на крајот не можат да одат или да зборуваат. Иако не постои лек за синдромот на вкочанета личност, постојат третмани за забавување на прогресијата, а Селин откри дека прави се што може за да ги намали симптомите.
