Британскиот пејач Ед Ширан (32) во емотивната најава за новиот документарен серијал „The Sum Of It All“, кој ќе се емитува на 3 мај на каналот Дизни+, зборува за алкохолот, дрогата, депресијата, смртта на неговиот најдобар пријател и болеста на неговата сопруга.
Ед Ширан во 2022 година го изгуби најдобриот пријател Џамал Едвардс, кој почина на 31-годишна возраст од срцев удар предизвикан од кокаин и алкохол.
Пејачот неодамна откри дека паднал во депресија откако минатата година на неговата сопруга и бил дијагностициран тумор за време на бременоста. За потсетување, Чери го роди нивното второ дете, ќерката Јупитер, во мај 2022 година. На почетокот на трејлерот, Ед зборува за своето детство, растењето и проблемите со пелтечење.
„Таков тип не станува поп ѕвезда. Малку е веројатно“, рекол Ширан.
Тој исто така ја опиша средбата со Џамал, музички продуцент и син на ѕвездата на ток шоуто „Лабава жена“, Бренда Едвардс, која му помогнала да се пробие на сцената. Пејачот открива и дека се борел со страв, депресија и анксиозност поради болеста на неговата сопруга, но трејлерот завршува со повесели снимки, на кои се гледа како хитмејкерот „Shape of you“ и „Perfect“ го слави својот роденден, танцувајќи на сцена.
„Животот може да биде непредвидлив“, вели ѕвездата.
На 24 март, Ед ќе го објави „Eyes Closed“, првиот сингл од неговиот нов албум „Subtract“. Таа песна му ја посвети на својот покоен пријател, а албумот е инспириран од личните трагедии со кои се соочил музичарот.
„„Eyes Closed“ е ако имате некој загубено, за тоа чувство кога очекуваш да налеташ на таа личност во секој момент, кога сè те потсетува на работите што сте ги направиле заедно. Понекогаш треба да избегате од реалноста за да ја надминете болката од загуба, но некои од тие работи само ја враќаат. Претпоставувам дека музиката помага при заздравувањето, па затоа танцувам со затворени очи за да се обидам да го пребродам тоа“, објавил неодамна Ширан на Инстаграм.
По смртта на неговиот пријател, рече тој, имал самоубиствени мисли. Во едно необично интервју за Ролинг Стоун, тој објасни како тоа го натерало да се чувствува засрамено и дека е себичен.
„Мојот најдобар пријател почина. А јас не требаше. Отсекогаш сум имал ниски падови во мојот живот, но дури минатата година почнав да се справувам со нив. Не сакав повеќе да живеам. Беше како да имав гушење и давење под брановите“, раскажал Ед за својата борба со депресијата, но со помош на сопругата почнал со психотерапија.
Тој се осврна и на неговата употреба на алкохол и дрога.
„Отсекогаш сум бил пијач, но до 24 години не сум допирел дрога. Користев неколку супстанции, но не сакам да ги именувам, се плашам дека моите деца ќе ја прочитаат еден ден ” тој рече. Вели дека се откажал од алкохолот само поради сопругата.
„Два месеци пред да се роди нашата ќерка Лира, Чери рече: „Ако ми пукне водењакот, сакаш ли некој друг да ме одвезе во болница?“ Едно е да се напијам неколку пива, но друго е шише вотка“, вели Ширан, додавајќи дека неговото мислење за дрогата целосно се променило по смртта на неговиот најдобар пријател Џамал.
„Никогаш, никогаш, никогаш повеќе не би допрел дрога, токму затоа што Џамал така умре. Тоа би било непочитување кон неговото сеќавање“, заклучил пејачот.
