Актерот Џон Ејлворд, познат по улогите во сериите „Итна служба“ и „Западно крило“, почина на 75 години. Актерот починал во својот дом во Сиетл, неколку дена откако неговата сопруга Мери потврдила дека е во многу лоша здравствена состојба.
Веста за смртта на актерот ја соопшти неговиот долгогодишен пријател и агент Мичел Стабс.
Ејлворд беше познат по своите улоги во многу телевизиски серии, но најзабележителна беше улогата на хирургот Доналд Аспауг и водечки член на одборот за итни случаи во хит серијата „Итна служба“. Тој имаше забележителни улоги во филмовите „Вода за слонови“, „Долу со љубовта“ и „Нинџа желки“.
