Сидни Свини продолжува да ги плени своите следбеници на социјалните мрежи, а овој пат тоа го направи на начин што привлече уште поголемо внимание.
Актерката од „Еуфорија“, која беше во центарот на гласините за можно раскинување со поранешниот вереник Џонатан Давино, сподели серија фотографии од плажа, а објавата за кратко време собра 3,3 милиони лајкови.
Меѓутоа, фановите забележале еден детаљ – актерката позирала без вереничкиот прстен. Отсуството на прстенот стана главна тема меѓу обожавателите, кои веднаш почнаа да шпекулираат за статусот на нејзината врска со Давино.
Иако Свини официјално не го коментираше својот љубовен живот, гласините за раскинување се се посилни, особено откако избриша заедничка фотографија на Инстаграм. Според различни извори, парот наводно живеел одвоено во последните недели поради „неодредени разлики“, иако разделбата се уште не е официјално потврдена.
Сепак, извор близок до Свини открил за магазинот „Пипл“ дека таа и Давино дефинитивно раскинале, а нивната планирана венчавка на почетокот на овој месец е откажана.
„Таа има сè под контрола и е токму онаму каде што сака да биде. Повеќето луѓе би биле преоптоварени од нејзината работна година, но не и Сидни. Таа е целосно посветена на работата во моментов и многу е возбудена за нејзините проекти“, рекол извор во понеделникот, потврдувајќи го раскинувањето.
„Она што навистина ја обзема беше врската и планирањето на свадбата. Таа не се чувствуваше добро поради тоа“, додаде тој.
