Модната дизајнерка Вера Ванг го прослави својот 73-ти роденден и на социјалните мрежи сподели фотки од прославата. Вера беше облечена во здолниште и блуза, а нејзината коса беше розева.
Нејзините следбеници со години се восхитуваат и се прашуваат за екстремно младиот изглед на Вера, поради што може да се помеша со 30-годишна жена.
View this post on Instagram
Во една прилика на прашање на една следбеничка, како успева да изгледа така на таа возраст, таа одговори: „работа, спиење, коктел со вотка и избегнување на сонце“.
Во едно интервју таа изјави дека во нејзината исхрана нема нездрави оброци како пица и крофни, туку вклучуваат омлет со малку тост и сланина, пудинг со ванила за појадок, пилешка супа со многу зеленчук за ручек и домашна кинеска храна за вечера.
Во интервју за Harpers Bazaar таа откри дека се буди околу осум наутро, но дека таа не е утринска личност и има потреба од најмалку осум часа сон.
А дизајнерката откри уште неколку примери од нејзиното мени.
„Обично тоа е јогурт со свежо овошје или јајца со пилешки колбас, а ако е недела се почастувам со чаден лосос на интегрален леб и еден куп лимони. После тоа кревам малку тегови, не премногу“, рече таа.
Следува ручек во 12:30, а таа тврди дека никогаш не го прескокнува.
„Никогаш не прескокнувам оброци, потребна ми е храна за мозокот“, рече таа и откри што сака да јаде за ручек: „Сакам суши со интегрален ориз и зеленчук, брокула на пареа со пилешко и ориз, салата од артичок или риба“.
Рече и дека строго не вечера по 19 часот и 30 минути и дека на вечера излегува во ресторан пет дена во неделата.
View this post on Instagram
