Еминем оваа недела по 11-ти пат има сингл број еден на официјалните топ листи. Тоа е неговата нова песна „Худини“.
Песната е првиот хит од неговиот нов албум „The Death of Slim Shady (Coup de Grace)“ и е првиот хит на раперот на топ листите по „Godzilla“ во 2020 година, јавува Би-Би-Си.
Уметникот од Детроит во последниве години најчесто се занимава со дуети, но неговата последна песна е неговиот прв соло број еден сингл по 19 години.
THE DEATH OF SLIM SHADY (COUP DE GRÂCE). Summer 2024. https://t.co/J3F45PQDLx pic.twitter.com/tdJ4d4PzV0
— Marshall Mathers (@Eminem) April 26, 2024
Еминем, чие вистинско име е Маршал Метерс, го најави својот нов албум во април и тоа на хумористичен начин.
Тој најави дека албумот ќе се вика „The Death Of Slim Shady (Coup De Grâce)“.
Во видеото кое потсетува на шоуто „Нерешени мистерии“, преименувано во „Датотеки за убиства во Детроит“, водителката ја претставува сцената каде што е „убиен“ раперот.
