На интернет-страницата „Редит“ се појави мапа на која може да се види какви дипломи имаат премиерите на европските земји. Тоа што на прв поглед го привлекува вниманието е дека има доста правници, но и тоа дека некои европски лидери завршиле факултети што не се поврзани со работата што ја извршуваат сега.
Премиерите на Русија, Шпанија, Португалија и на Исланд завршиле право. Во таа група спаѓаат и премиерите од повеќето балкански земји, како Словенија, Хрватска и Црна Гора. Миро Герар, Андреј Пленковиќ и Душко Марковиќ, кои студирале правни факултети.
Србите отскокуваат од шаблонот затоа што премиерката Ана Брнабиќ е магистер по маркетинг. Лидерите на Грција и Турција, Алексис Ципрас и Бинали Јилдиирим, се инженери, а во таа група спаѓа и лидерот на Финска.
Премиерот на Албанија, Еди Рама, завршил уметност затоа што сакал да стане сликар, а премиерката Ангела Меркел студирала, ни повеќе ни помалку, физика.
Политички науки завршил премиерот на Италија, Паоло Џентилони, географија премиерката на Велика Британија, Тереза Меј, а премиерката на Норвешка, Ерна Солберг, завршила социологија.
Особено внимание привлекува премиерот на Шведска, Стефан Лофвен, за кој стои дека нема диплома.
Лофвен работел како заварувач, кој подоцна станал лидер на синдикатот. Кога почнал да се занимава со политика, станал лидер на владејачките социјалдемократи. Ги напуштил студиите по социјална работа по една година.
