Јарецот бил поставен на чело на една реномирана банка. Како директор решил да дојде до поголема сума пари.
Се јавил кај својот пријател Бикот, кој еднакво ги цени материјалните добра, и договорил состанок со него, а планот го пратиле кај Девицата за да направи детаљна стратегија.
Организацијата „Астро пантери“, која брои 12 члена, го спровела планот во дело.
Штотуку пуштен од затвор, Близнакот заедно со Вагата исценирал расправија со портирот на банката.
Во тој момент Овенот пристигнал одзади и го насочил оружјето кон сите присутни, а кутриот Рак, како заложник, го спакувале во багажникот на автомобилот.
Во автомобилот зад воланот чекал специјалистот за брзини – вештиот Стрелец. Рибите веќе се нашле пред трезорот, не се знае како и кога.
Пристигнала Водолијата со своите технолошки трикови да ја открие шифрата на трезорот.
Лавот за тоа време ја следи целата акција од покривот на соседната зграда со снајпер во рацете.
Овенот и Шкорпијата ги пакуваат парите, а Рибите ја користат ситуацијата – го земаат својот дел и бегаат заедно со Близнаците во непознат правец.
Девицата прецизно пресметала колкав процент од парите му припаѓа на секој член од организацијата.
Шест месеци подоцна:
Јарецот основал сопствена компанија. Бикот ужива на лежалка на плажа додека тиркизното море ги лади неговите стапала, а Лавот му се придружува.
Стрелецот е среде море во својата нова јахта. Рибите и Шкорпијата се договараат за нови проекти во Лас Вегас.
Овенот го освојува Монт Еверест со својата експедиција. Ракот си купил дрвена колиба во подножјето на планина и ужива покрај каминот.
Нервозните Близнаци веќе се пред банкрот. Девицата и понатаму ги брои парите. Вагата ексклузивно промовира новa колекција костими за капење на „Армани“.
Водолијата сите свои пари ги вложила во експерименти за потребите на науката и ги посетува пријателите со својот нов авион.
