Астролозите секоја година предвидуваат посебни денови кои ќе бидат најсреќни за секој хороскопски знак. Тоа се денови кога сè ќе ви оди рака. Па, така, астролозите открија и кои се најсреќните денови за хороскопските знаци за 2021 година.
Овен – најсреќен ден 26 март
Кога планетата на љубовта, Венера, се усогласува со Сонцето, почнува магијата на романтиката и возбудата за нов почеток. На овој ден желбата за која Овенот сонува – ќе се оствари, особено кога станува збор за љубовта. Сонцето и Венера ќе останат во вашиот знак овој период, затоа ве чека пријатно романтично патување и голема шанса да почувствувате пеперутки во стомакот.
Бик – најсреќен ден 17 јануари
Уран, планетата на промените, патува низ вашиот знак до 2021 година и ви носи будење и инспирација. Во јануари квадратот помеѓу Јупитер и Уран ќе ви донесе убав пресврт во професионалниот живот. Вашата мотивација и амбиција ќе се зголемуваат, но мора да бидете трпеливи за да ги видите првите резултати од вашата работа.
Близнаци – најсреќен ден 31 мај
Во астрологијата Северниот Месечев јазол ја претставува нашата судбина и насоката во која се движи иднината, а на 31 мај формира спој со Сонцето, кое во тој момент е во знакот Близнаци. Ќе ви донесе среќа и самодоверба, но исто така ќе ве поттикне да ги направите вистинските чекори кон вашата судбина.
Рак – најсреќен ден 23 јуни
Тригонот помеѓу Јупитер и Сонцето во вашиот знак ви носи посебен стимул на среќа. Ова е најхармоничен аспект за вашиот знак и ќе бидете оптимисти и исполнети со надеж. Спојувањето на Венера и Нептун ќе се случи во истиот ден, па ве чека романтична магична прашина, која ќе ве охрабри да фантазирате и да се отворите за љубов.
Лав – најсреќен ден е 13 јули
Планетата на љубовта, Венера, и планетата на моќта, Марс, се усогласуваат еднаш во две години, а во 2021 година тоа се случува во вашиот знак. Овој уникатен аспект ви носи нова креативна енергија кога станува збор за работата и нов и среќен емотивен циклус во љубовта. Ве очекуваат инспирација и романтична аспирација. Искористете го овој период за да ги реализирате сопствените желби.
Девица – најсреќен ден е 12 јули
Среќната планета Јупитер ќе влезе во знакот Риби двапати оваа година, ќе ја осветли вашата куќа на љубовта и ќе ви донесе прекрасни искри во емотивната врска. Ова ќе биде одлична можност да ги решите сите предизвици во романтичната врска. Љубовта ќе ве однесе на некои нови височини и чувства, а врвот на среќата ве чека на 12 јули кога Меркур ќе се спои со Јупитер.
Вага – најсреќен ден е 6 септември
Вие сте романтичен знак во Зодијакот, фантазирате, сонувате, имате големо око за естетика и луксуз, а тоа се интензивира на 6 септември. Спојот на Јупитер и Венера ви носи љубовна приказна со епски размери, но исто така ве охрабрува да постигнете деловни амбиции.
Шкорпија – најсреќен ден е 17 ноември
Вашата владејачка планета Плутон на 17 ноември ќе се усогласи со Сонцето во вашиот знак што ви носи голема моќ. Сè што е негативно, вашата болка и лошите искуства, ќе го претворите во желба да се борите и да успеете. Огнениот Марс во вашиот знак создава сексапил со романтичната Венера и ви носи зголемени емоции и страсти.
Стрелец – најсреќен ден е 21 мај
Во тој период вашата владејачка планета Јупитер ќе се пресели во Риби и ќе го осветли вашиот емотивен живот. На 21 мај, само една недела откако Јупитер ќе помине низ вашиот знак, ќе имате поттик да ги исполните љубовните желби затоа што Меркур и Венера ќе влијаат на подобрената комуникација со партнерот. Моќниот аспект на тригонот на Венера и Сатурн ќе се случи на истиот ден и ќе ви обезбеди трајна сила на вашите емотивни односи, но исто така ќе ве натера да се претставите на најдобар начин.
Јарец – најсреќен ден е 23 август
Иако вашата владејачка планета Сатурн не е позната по тоа што носи среќа, кога ќе се усогласи со Венера во хармоничен тригон, тоа ќе ја активира вашата куќа на кариера и успех. Ве очекуваат успех на работа и солидна позиција. Зголемената креативност ќе ви помага да создадете пат што ќе ве доведе до остварување на вашите најголеми амбиции. Ова е ден на одлични можности и средби, затоа направете неколку важни потези и само одете напред.
Водолија – најсреќен ден е 11 февруари
Ова е исклучително моќен ден, исполнет со разни можности. Новата месечина ви помага да ја тргнете старата кожа и целосно да ги прифатите промените и новиот животен циклус. Среќните планети, Венера и Јупитер, создаваат спој во вашиот хороскопски знак на истиот ден со новата месечина. Пред вас е период на љубов, изобилство, луксуз и задоволство. Убави можности ве очекуваат на секој агол.
Риби – најсреќен ден е 21 јуни
Со експанзивниот Јупитер, кој доаѓа во вашиот знак двапати оваа година, може да сметате дека 2021 година е дефинитивно ваша година. Среќата и изобилството се пред вас, но на 21 јуни ќе почувствувате прекрасно влијание од Венера и Нептун. Бидејќи Нептун е вашата планета и моментно ќе биде во вашиот знак и спојот на Венера и Месечината, ве чека одличен ден за флертување, нови љубови, креативност, идеи и проширување на вашите хоризонти. Ниту еден сон не е недостижен, па оставете ги чувствата да ве освојат и одете по ѕвездите.
