Трите пингвини што минатата недела пристигнаа во скопската Зоолошка градина добија имиња според ликовите од популарниот анимирани филм „Пингвините од Мадагаскар“ – Скипер, Прајват и Ковалски. Од Зоолошката градина ги прифатиле овие имиња бидејќи многу граѓани ги предложиле на нивната фејсбук фан-страница.
Трите пингвини што дојдоа во Скопје се мажјаци. Тие се донесени од Италија, а набргу ќе пристигнат уште седум други пингвини од Русија.
За пингвините во скопската ЗОО од поодамна е направено современо живеалиште по светски стандарди, со надворешен базен и внатрешен дел со затворен базен.
