Топ-моделот Катарина Ивановска наполни 34 години и на социјалните мрежи цел ден споделуваше слики од пријателите кои ѝ го честитаа роденденот. Меѓу нив е и сликата што ја објави Перо Антиќ. „Среќен роденден“, напиша претседателот на кошаркарската федерација. Тој е дотеран во костум, а Катарина носи црн долг фустан.
Перо и Катарина се во врска околу две години, а од неодамна почнаа јавно да споделуваат заеднички слики. Тие беа на одмор во Турција на почетокот на летото, неодамна ставија фотки од журка во ноќен клуб, а заедно беа и на мекици за внуката на Сандра и Сашо Мијалкови.
