Антониа Гиговска вчера за првпат стана мајка. Пејачката го доби синот Киан, а денес за првпат и објави фотографии од него.
„Здраво на сите. Сакавме малку момент за нас, па решивме денес и официјално да ве поздравиме. Вчера во 12:05 сабајлето, ова мало глувче ми докажа за што вреди да се живее. Ти и мојот крал, мојот Зазу, мојот малечок, мојот син. Те сакаат мама и татко и никогаш нема да те остават сам“, рече Гиговска.
За потсетување, прв веста дека се породи ја објави сопругот Роберт Спасенцоски, кој на „Фејбук“ напиша: „Станав татко. Фала ти господе за оваа среќа“.
Пејачката претходно рече дека чека син и дека е возбудена за бебето и тоа што ќе стане мајка. Со Роберт ова им е прво дете, откако двајцата се венчаа годинава по неколку месеци врска.
