Пејачката Биба Додева, која е и претседател на здружението „Борка“ на вчерашната Конференцијата за 200 жени претприемачки, раскажа вистинска приказна, со цел да ги поддржи жените и да ги охрабри да која се одржа завчера во Скопје.
„ Пред неколку години, се слушнав со едни мои пријатели со кои што се немав видено подолго време. Разговарав со сопругот на мојата блиска пријателка. Во неврзан муабет, прашувајќи ги како се и што прават, почувствував дека нешто не е во ред и добив некоја потреба да ги видам. Им реков, чекајте ме, доаѓам кај вас веднаш. Ни на крај на памет не знаев што ме чека таму“, рече Биба во емотивниот говор кој ги растажи присутните.
„ Кога стасав, ја видов другарка ми на смртна постела. Тоа за мене беше голем шок затоа што воопшто не знаев дека е болна од рак“, раскажа Биба. „Поради истата болест подоцна загубив еден куп драги луѓе, жени кои биле членки на здружението „Борка“ , а пред повеќе од една година и мајка ми. И знам дека секој од нив се прашува: Како е можно да се разболам кога редовно одам на преглед? И сите се прашуваат: зошто на мене да ми се случи ова, зошто токму јас? На некои прашања немаме одговор“, рече претседателката на „Борка“.
Таа им порача на сите жени присутни на конференцијата дека ќе биде многу среќна ако барем неколку од нив натера да закажат мамографски преглед, поради навремена превенција од несаканата болест. „Без оглед на тоа што многу се чека на ред, вие закажете си, уште веднаш“, рече Додева.
Извор: Женски Магазин
