„До кога за жртвите на силувачот ќе мислите дека сами си го барале?“, револтирана Тијана во поддршка на Милена Радуловиќ, која објави дека ја силувал учителот по глума

By

Пејачката Тијана Дапчевиќ е една од многуте јавни личности што ѝ дадоа поддршка на Милена Радуловиќ кога актерката го пријави поранешниот учител по глума Мирослав Алексиќ за силување. Тијана вели дека ѝ пречат негативните коментари во врска со Милена Радуловиќ и нејзините колешки. Таа се обиде да одговори на невкусните прашања што се појавија во Србија изминативе денови, како она „Зошто дури сега проговори“?

„Не знам, можеби затоа што и понатаму има дел од вас кои постојано повторуваат дека жртвите на силувачот и педофилот самите си го барале, дека сигурно некако со нешто провоцирале, дека самите се криви. И многу често имате потреба да правдате непростливи работи. Ако молчела досега, можела да продолжи да молчи засекогаш“, напиша Тијана.

Потоа таа вели: Како секогаш доаѓаме до тоа дека за сè треба да се молчи? Како вам не ви е доста од молчење? За малите и големите работи, за планината направена под тепих, ставајќи ги проблемите таму, за насилството и за вознемирувањето? А можеби и не молчела, туку налетувала на луѓе што се глуви за нејзиното страдање, баш така како и вие. ‘Сигурно измислила сè затоа што ѝ пропаднала кариерата затоа што ѝ треба некоја улога’. Па, да, полесно е да се поверува дека некој ја измислил својата тага отколку дека едвај, конечно, по толку време, собрал сила повторно да го проживее тоа објаснувајќи го секој детаљ и одговарајќи на којзнае колку прашања за време на поднесувањето на пријавата. Срам да ви е за секој коментар на темава што не е поддршка, туку замолчување на жртвата. Молчењето не е злато. Никогаш не ни било. Сите тишини еден ден стануваат вресок, за Милена Радуловиќ“, додаде поп-пејачката.

 

 

View this post on Instagram

 

A post shared by Tijana Dapčević (@tijana.dapcevic)

 

 

Ќе ви се допадне

So I'm a Spider, So What? (https://funimationfree.com/m/LaO0) Episode 2 at Funimation funimation fruits basket

Attack on Titan: Lost Girls Episode 3 at AnimeFreak anime freaks