Актерот и шоумен Игор Џамбазов на Инстаграм се потсети на старите времиња и сподели фотографија од неговата матурска вечер со неговата партнерка Анче.
„На матурска, 1981, со мојата партнерка Маринова Анче. Еј ти младост моја, куќо недокуќена“, напиша Игор под фотографијата. Повеќето се сеќаваат на тоа како изгледал Игор во младоста, затоа што од дете е пред камерите и во јавноста.
Игор секогаш го привлекува вниманието, особено изминатиов период, откако е во љубов со алпинистката Илина Арсова.
