Кристина Димитревска, поранешната жена на Даниел Кајмакоски, го смени името во Кристина Димитри и сними спот за нејзината нова песна. Веќе почнаа коментарите дека таа потсетува на Карлеуша заради стилот на облека, но и затоа што во спотот има скапи автомобили и разголени мажи. Ова е втора песна на Кристина, која неодамна сними дует со Тајзи.
Откако се разведе од Кајмакоски, Кристина најави дека сака да почне музичка кариера. Таа неодамна се натпреваруваше и на светскиот избор за убавина „Мис глоуб“, каде што освои награда за фотогеничност.
По разводот и Даниел ја продолжи својата кариера. Тој почна интензивно да настапува со својот бенд во Србија и Црна Гора, а во моментов се натпреварува во шоуто „Твоето лице звучи познато“. Финалето на шоуто ќе се одржи во петок, на 20 декември.
