Виолинистот на групата „Маестро“, Илија Филиповски, викендов се венча со својата свршеница Анастасија. Романтично, покрај базен, со неколку најблиски. На венчавката Анастасија носеше жолт фустан со златни салонки, а Илија избра лежерно сино палто и панталони, со патики.
Двојката се сврши во април на Матка. „Таа рече ‘да’. Те сакам Анастасија“, напиша тогаш музичарот.
Освен што свири во групата „Маестро“, Илија долги години е член и на ансамблот на „Танец“, а претходно свиреше и во оркестарот кој со години настапуваше во емисијата за народна музика „Зајди зајди“.
