„Кога баба му пее на Јаков, е тоа е терапија… најисцелителна од сите други“, рече пејачката, водителка и писателка Сузана Турунџиева на промоцијата на својата единаесетта книга „Зборотерапија“. Многу блиски луѓе, роднини и пријатели дојдоа да ја поддржат и да ѝ честитаат на успехот. А таа, емотивна, им се заблагодари јавно на сите, а потоа запеа и неколку песни, кои, рече, ги пее за внукот Јаков.
Јаков е син на ќерка ѝ Лора и нејзиниот маж Филип, а се роди пред една и пол година. Оттогаш Турунџиева често знае да каже дека Јаков ѝ го сменил животот на подобро и постојано објавува слики и видеа од внукот.
