Пејачката Маја Оџаклијевска не пее веќе децении, а сега само повремено се појавува во одредени телевизиски емисии. Во една пригода таа раскажа дека не размислува за љубов и откри дека била во таканаречени бракови дури 12 пати.
„Имав 12 таканаречени бракови. Кога ќе дојде момент да почнам да викам или да се однесувам како што не ми се допаѓа, ги ставам сите работи во вреќи за ѓубре и велам: ‘Твоите работи се пред тебе’ Чао, збогум и нов брак. Мајка ми велеше: ‘Едниот се протегаше, другиот се оптегаше’ – рече таа како гостинка во една емисија.
Оџаклиевска е родена 1954 година во Скопје, но со нејзината мајка и брат заминала во Шведска кога таа имала девет години.
Бракот на нејзините родители се распаднал кога таа имала само две и пол години.
„Совршено се вклопив со тамошната неконвенционалност на локалниот училиштен систем. За да ѝ помогнам на мајка ми на 13 години, започнав да работам. Бев бебиситерка. Основното училиште таму ме подготви фантастично за живот. Веќе на четиринаесет години, покрај одење на училиште, работев и во фабрика која произведуваше конзерви. Со моите врсници стававме стуткани лименки во калап и ги исправувавме. Ова монотона работа ја работев и пеев. А, моите уметнички склоности се развија на училиште – ја продолжи приказната пејачката, додавајќи дека сепак се запишала на средно училиште во Скопје затоа што нејзината мајка сметала дека македонскиот училиштен систем е многу построг и помалку толерантен.
Сепак, таа не завршила средно училиште, но, како што истакна, не ѝ е жал, бидејќи ѝ се отворила вратата на музичката сцена.
