Македонскиот актер Крис Петровски, кој глумеше во сериите Madam Secretary и Blacklist, наскоро ќе глуми во холивудскиот филм „Реј Донован“. Филмот ќе се снима според истоимената хит-серија која имаше седум сезони и во која главната улога ја играше Лив Шребер.
Крис во филмот ќе го глуми Шон Вокер, млад и надежен холивудски глумец. Приказната ќе продолжи онаму каде што застана серијата во седмата сезона, кога беше откажаба. Шребер и овојпат ќе ја игра главната улога, а ќе биде и еден од авторите на сценариото. Во филмот ќе глуми и Џон Војт, таткото на Анџелина Џоли.
