Македонскиот бенд „Фанк шуи“ објави дека по 11 години од групата си замина тапанарот Давид, а на негово место дојде Мартина, поранешната тапанарка на „Дупер“. Лука и Михаил ѝ посакаа добредојде во бендот и најавија дека почнуваат да работат на нова музика.
„По многу долги разговори, сфативме дека нашите соништа за иднината не се исти како кога почнавме. За жал, мораме да објавиме дека концертот минатиот октомври беше последното шоу со Дејвид како член. Како што можете само да замислите, ова не е лесно за никој од нас. Поминавме 11 години заедно играјќи, смеејќи се, патувајќи, тепајќи, плачејќи, споделувајќи го доброто и лошото, прославите и кршењето на срцето. Го сакаме и му посакуваме сè најдобро во неговите идни напори“, велат момците.
Ти додаваат дека се истовремено возбудени, бидејќи Мартина ќе донесе свежа енергија во бендот.
„Стекнуваме дополнителен пријател за цел живот. Со нетрпение го очекуваме ова ново поглавје заедно. Затоа, добредојде Мартина, и бескрајна благодарност до тебе, Давид“, велат Дупер.
За потсетување, Мартина беше дел од оригиналната постава на „Дупер“, кога го испеаја нивниот најголем хит „Не сум твој тип“. Тие потоа снимија уште две песни „Тело за на ТВ“ и „Ние сме 2“, освоија и „Златна буба мара“, но набрзо момците ја избркаа Мартина од бендот. Ова се случи неколку месеци откако „Дупер“ потпиша договор за соработка со „Авалон“, па македонската продукција веднаш го раскина договорот со нив.
„Фанк шуи“, исто така беа ексклузивци на „Авалон“, а и сега соработуваат со нив и настапуваат на фестивалите што „Авалон продукција“ ги организира низ Македонија.
