Мече мое, судбино моја, не те давам-сопругата на Момо емотивна

Откако вчера беше објавено дека на фолк пејачот Момо Николовски му е потребна итна помош, денес и неговата сопруга, Валбурга Батева, со емотивно обраќање на социјалните мрежи побара помош . На еден од доајените на македонската народна песна му е дијагностициран абдоминален канцер и потребни се средства за негово лекување во странство.

„Момо е мојата љубов. Човекот на мојот живот. Моето вечно момче и мојата рајска музика во срцето. Цел живот со неговата песна развеселуваше, но и безброј пати помагаше на луѓе кои беа соочени со животни предизвици. Сега е неговиот ред. Сега е нашиот ред. Ни треба помош, оти звуците на љубовта не смеат да згаснат, сега, кога најмногу си требаме еден на друг. Не сакам да го дадам, нема да го дадам! Неговата топла душа е моето скришно, безбедно место, таму не живее темнината, таму има доволно светлина за сто животи и уште еден. Секогаш бев тука за вас и вие за мене. Барајте ме, вие кои знаете колку го љубам, но и вие другите, кои сакат некого и некој ве сака. Овој филм мора да заврши со среќен крај, со ваша и Божја помош, а во моја режија. Мече мое, судбино моја, продолжи да танцуваш со мене! Јас, ти и музиката – напиша Батева на „Фејсбук“. Откако вчера беше објавена веста, и колегите на Момо апелираа за помош.

Пејачот Момо Николовски сериозно болен, потребна е итна помош

Scroll to Top