По подолга пауза музичарот Никола Јанков Коки од некогашното дуо „Дуле и Коки“ промовираше нова песна. Станува збор за песната „Муабет“ чии музика и текст ги напиша тој, а аранжманот е на Дејан Георгиевски Ѕене. Спотот го работеше со Дарио Јанковиќ.
„Се надевам дека ќе ѝ се допадне на публиката, а искрено верувам дека ќе биде така. Вакви песни не излегуваат преку ноќ. За вакво нешто се чека, се мисли буква по буква, нота по нота. Лесно е денеска да извадите песна, симнете битови, напишете две реченици и да го наречете тоа песна“, ни рече Коки.
Објасни дека не станува збор за автобиографска песна и дека како и тој многумина ќе се пронајдат во неа.
„Мислам дека многу луѓе ќе се пронајдат во неа, па зошто да не и јас“, рече Коки.
