Почина истакнатата актерка Мајда Тушар, која 43 години глумеше во Драмски

By

Утрово во Скопје на 72 години почина истакнатата актерка од Драмски театар Мајда Тушар. Веста за нејзината смрт ја објавија од нејзиниот матичен театар во кој работеше од 1972 до 2015 година.

dobivaj vesti na viber

Мајда Тушар дипломираше актерска игра во првата класа на Факултетот за драмски уметности Скопје и веднаш по дипломирањето активно се вклучи во тековниот репертоар на театарот, особено во проектите на Вечерната сцена. Нејзини поважни актерски остварувања се: Рут во „Дејството на гама зраците врз сенишните невени“ , Лисјена во „Болва во уво“, Дафина во „Јане Задрогаз“, Неда во „Црнила“, Ленче во „Ослободување на Скопје“, Орсолина во „Рибарски караници“, Невестата во „Чудото на Свети Ѓорѓи“, Клодија во „Тетовирани души“, Кристина во „Сили во воздухот“, Медеја во „Медеја“ и Блага во „Кула Вавилонска“.

Добитник е на повеќе награди: 1994г. Наградата „Св. Климент Охридски“ за остварување во областа на театарот. 1978г. Актер на годината за улогата на Ленче во претставата „Ослободувањето на Скопје“ 1978г. Наградата „Војдан Чернодрински“ за главна улога за улогата на Ленче во претставата „Ослободувањето на Скопје“
1999г. Награда за најдобра споредна улога за ликовите на мајките во претставата „Роберто Зуко“.

Ќе ви се допадне