Поранешниот пратеник Амди Бајрам, кој почина денеска, освен компликции со срцето, имал и корона. Тестот што постхумно му беше направен во клиниката „Филип втори“ покажал дека Бајрам бил позитивен на Ковид-19.
64-годишниот политичар, веќе бил починат кога бил донесен во клиниката Филип Втори поради проблеми со срцето. Нему неодамна му беше ампутирана едната нога.
Лекарите, сега ќе ги бараат неговите контакти бидејќи пред околу две недели тој беше во Истанбул, каде што правеше свадба за својата внука со околу 600 гости, а преку 200 од нив беа гости од Македонија.
Амди Бајрам во јавноста ќе остане запаметен како еден од политичарите со најдолг стаж во македонскиот парламент, чија партија Сојуз на Ромите, коалицираше и со владите на ВМРО-ДПМНЕ и на СДСМ. Исто така ќе остане запаметен по бројните караници со колегите пратеници и изјавата дека споредено со нив тој е „бренд како Кока Кола“.
