Седум години откако го сними спотот за дуетот со Викторија Лоба за песната „Ти си виновна“, Роберт Билбилов промовира нов спот. Видеото за макфестовската песна „Чудни места“, Роберт го сними на локалитетот Кокино, а со него во спотот се појавува Росана Стефанова.
Режисер на спотот е Зоран „Зонде“ Стојановски. Самиот Роберт е автор на музиката и аранжманот, а текстот за песната „Чудни места“ го напиша Роберт Зимбаков.
