Сузана Гавазова ги подари омилените фустани за матурантките во Струмица

Пејачката Сузана Гавазова донираше фустани за матурантките од основното училиште „Никола Карев“ во Струмица кои не се во можност да купат фустани за нивната матурска вечер.

„Многу е убаво кога ќе направиш добро дело, а уште повеќе кога во тоа некој ќе те поддржи . Нашата акцијата под име “Подари ,израдувај некого” доби многу голем оддек во општината и пошироко и добивме многу донации во прекрасна гардероба за девојки и момчиња. Имаме голема чест и се радуваме што и нашата естрадна уметничка Сузана Гавазова ја препозна и поздрави нашата добра намера па дури и се вклучи во неа. Вчера не посети во училиштето и донираше повеќе фустани од својата гардероба која ја носела на настапи. Ви благодариме од срце што и Вие придонесовте да израдуваме некое девојче “, стои во објавата на училиштето.

Пејачката објави и видеа од училиштето каде завршиле голем број познати спортисти, помеѓу кои и Пандев каде има и негов дрес.

 

 

 

Scroll to Top