Пејачката, водителката и писателка Сузана Турунџиева се потсети на нејзиниот покоен партнер Марјан со кој ја имаат ќерката Матеа. Таа објави дека денес тој ќе наполнеше 48. години. Таа раскажа дека вообичаено на неговиот роденденд доаѓало половина Скопје, се пиело, јадело и наздравувало, а денес луѓето заборавиле на тоа.
„Вообичаено на овој ден половина Скопје доаѓаше. Се собираше. Се пиеше, се јадеше, се наздравуваше. Болна и сурова вистина е дека кога човек ќе почине, се се заборава. Ги снемува пријателите, роднините, другарите. Со чест на малкумина, кои немаат кратко помнење. Сакам да верувам дека таму, од другата страна не е се толку сурово, минливо. Сакам да верувам дека во Бескрајот нема толку разочарување како тука. Почивај во мир драг наш Марјан, сигурно денес околу тебе има полни софри и полни чаши“, напиша во посветата Турунџиева.
