(Видео) Македонка во филм со Скарлет Јохансон, објавен првиот трејлер

Студиото „Марвел“ го објави новиот трејлер за филмот „Црната вдовица“ во кој се појавува и македонската глумица Симона Браун-Живковска. Таа во филмот глуми покрај светската ѕвезда Скарлет Јохансон, која ја има главната улога. Симона видеото го сподели на „Твитер“ и откри дека е возбудена што филмот ќе почне наскоро да се прикажува во кината.

„Не можам да опишам колку сум возбудена и благодарна за ова што се случува. Нови снимки од ‘Црната вдовица’. Можете ли да ме видите?“ напиша Симона.

https://twitter.com/simonazivkovska/status/1216985332132073473

25-годишната Симона, по татко Македонка, а по мајка Британка, е родена е во Скопје на 24 јуни 1994 година. Во 2001 година таа се преселила во Велика Британија со родителите, каде што ја почнала актерската кариера. Таа досега глумела во ТВ-серијата Devils и се појавила во повеќе кратки филмови.

Најновиот филм за агентката Наташа Романов (Јохансон), ги раскажува авантурите на Црната вдовица помеѓу периодот прикажан во филмовите Civil War и Infinity War. Премиерата на филмот е закажана за мај. Филмот ќе се прикажува во „Синеплекс“, а ќе има премиера две дена пред светската премиера на „Црната вдовица“.

Македонка глуми во новиот филм на Скарлет Јохансон

Scroll to Top