Тони Зен се враќа на музичката сцена по повеќе од три години пауза. Тој ја промовира песната „Планот“, за која вели дека го инспирирале младите и постарите артисти.
„Целата приказна почна од поривот и љубовта за творењето. Се инспирирав од музиката и поддршката на моите пријатели и соработници Нино Васков и Ики, со кои работевме долги години. Идејата со оваа песна е дека сето она што ни било зацртано низ времето го остваруваме и прикажуваме на ваков начин, затоа што ова ни е задача и љубов од многу одамна. Се чувствувам должен кон публиката бидејќи долго време бев отсутен, ова враќање е токму за нив, инспириран од младите, но секако и од постарите артисти, музиката мора да продолжи без оглед на се. Сакам да се претставам на наш, македонски начин“, вели Зен.
Песната е на Цветковски – Ики и Нино Васков, видеото го направи Огнен Шапковски од „Мелем продукција“.
Зен неодамна потпиша договор со „Прагма продукција“ која ќе се грижи за неговите настапи, па тој ќе се појави на „Мандра фестивалот“ во Дојран, а на 2 јули (сабота) ќе настапи во Градскиот парк на Crazy summer festival.
