(Видео) „Три невесте тикве брале“ во евровизиската песна на Васил Гарванлиев

By

Македонската народна песна „Три невесте тикве брале“ се слуша во текстот на евровизиската песна You на Васил Гарванлиев што беше промовирана вечерва. Песната е со брз, модерен ритам, со призвуци на аргентинско танго, и етно елементи вклучени во рефрените.

„Од 250 песни пристигнати на конкурсот на мене и на целиот евровизиски тим You ни се допадна од прва. И јас испратив неколку мои песни, но решив егото да го тргнам на страна и да го изберам она што е најдобро. Сакав да испеам моќна балада, ама сепак избравме брза песна која е покана за танц и која се надевам ќе допре до сите“, рече денеска Васил на прес-конференција на која новинарите ја преслушаа евровизиската песна и го гледаа спотот пред официјалната промоција.

Автор на музиката на песната е Невена Нешкоска, македонска композиторка и продуцентка која работи и живее во Чикаго. Таа е и автор на текстот, а го напиша заедно со нејзината сестра Калина Нешкоска и колешката од „Беркли“, Алис Шредер. Продукцијата и аранжманот се на Невена, Дарко Димитров и Лазар Цветкоски. Видеото го режираше Милена Витман, а продуцент на спотот е Јелмаз Дервиши.

Тимот на Васил откри дека на сцената со него најверојатно ќе има пет девојки, пратечки вокали.

„Од Васил допрва ќе се изненадувате. Со него снимивме во Холандија адреналинска разгледница за Македонија за да имаме уникатно претставување“, рече на Александра Јовановска, шефица на пресот.

Инаку, откако денес беше пуштен краток тизер од песната, таа на обожувалниците од претпоследно место, скокна за 26 места.

Васил Гарванлиев ќе пее на првата полуфинална вечер на 12 мај. Во првото полуфинале ќе пеат и претставниците на Белорусија, Литванија, Шведска, Словенија, Австралија, Ирска, Русија, Норвешка, Кипар, Хрватска, Азербејџан, Малта, Израел, Украина, Романија и Белгија.

Ќе ви се допадне

Attack on Titan: Wings of Freedom Episode Full at website https://animeplanet.cc. See more anime planet no game no life

The Promised Neverland Season 2 Episode 2 at ANIMEFLIX fire force animeflix