Виктор Апостоловски го сними спотот за песната „Знам“, а ќе го промовира на почетокот на следната недела. Песната ќе се најде на неговиот втор албум, кој е речиси готов.
„Новата песна е во сличен стил како ‘Во срцето’, само овој пат не се работи за една личност туку се работи за многу повеќе. Вториот албум е веќе при крај. И сите песни се од срце, ама особено овие последните четири. Што значи дека следните четири песни ќе бидат ‘оган’“, рече Виктор за „Репортер“.
Тој е автор на музиката и текстот, а сам го режираше и спотот. Ова е четвртиот спот на кој е самиот режисер.
„Решив сè да направам сам. И најлошо да е, ќе знам дека е мое“, додава тој низ смеа.
(А.Ј)
