По повод одбележувањето на Светскиот ден на здравјето, 7, април, беше презентирано целосно реновираното Одделение за онкологија на Клиниката за детски болести во Скопје, со кого раководи директорката д-р Аспазија Софијанова.
На настанот, таа носеше смарагдно зелен фустан на преклоп со елегантна линија и должина под колената, изработен од домашниот моден бренд Елена Лука. А својот изглед го надополни со впечатлив накит и црни чевли на висока потпетица.
„Нашите мали пациенти, или како што ние обожаваме да ги наречеме Херои, ќе имаат многу подобри можности во нивната борба, а моите колешки и колеги од Одделот за онкологија идеални услови за работа, бидејќи колку да се трудиме, колку и да дадеме несебичен придонес, технологијата има огромно значење“, изјави директорката на Клиниката за детски болести, проф. д-р Аспазија Софијанова.
Оваа модернизација ќе им овозможи на најмалите пациенти да имаат подобри и подостоинствени услови за престој додека трае нивното лекување на ова одделение, како и подобри услови за нивните родители кои ги придружуваат, но и за целиот персонал кој се грижи за нивното оздравување.
фото: Влада.мк
