Угледниот спортски магазин „Франс фудбал“ го објави најдобриот тим во историјата на фудбалот. Најдобриот тим е составен од фудбалери кои се огромни шампиони и одбележаа една ера во периодот во кој играа.
Според гласовите, конечниот исход за најдобриот тим на сите времиња е со формација 3-4-3:
Јашин е на голот, Кафу, Бекенбауер и Малдини се во одбраната, Чави, Матеус, Пеле и Марадона во средината, а во нападот се Меси, Кристијано и Роналдо Назарио.
„Франс фудбал“ состави уште два тима како резерва на оној најдобриот. Во најдобриот втор тим многумина сметаат дека треба да има место и за Јохан Кројф, Зинедин Зидан, Роналдињо.
Меѓу нив се најдоа и Џиџи Буфон, Карлос Алберто, Франко Барези, Роберто Карлос, Андреа Пирло, Франк Рајкард, Алфредо ди Стефано, Гаринча.
Со гласовите на 140 новинари беше составен и трет најдобар тим во историјата на фудбалот.
Мануел Ноер, Филип Лам, Серхио Рамос, Паул Брајтнер, Јохан Нескенс, Диди, Андрес Иниеста, Мишел Платини, Џорџ Бест, Тиери Анри, Марко ван Бастен, се најдоа во третиот најдобар тим.
