Брус Спрингстин ја откажа турнејата

Музичарот Брус Спрингстин беше принуден да ја откаже турнејата до крајот на годината поради здравствени проблеми.

Иако првично ги откажа концертите што требаше да се одржат во септември, неговиот тим за односи со јавноста информираше дека турнејата ќе продолжи во 2024 година.

„Им благодарам на сите мои пријатели и обожаватели за вашите добри желби, охрабрување и поддршка. Закрепнувам и едвај чекам да ве видам сите следната година“, рече Спрингстин во кратката изјава за странските медиуми.

Имено, Брус Спрингстин се уште се опоравува од пептичен улкус (чир) и поради преголема претпазливост на лекарите, сите настапи се одложени.

На почетокот на септември, музичарот најави дека ќе ги одложи сите свои настапи за овој месец бидејќи се лекува од симптоми поврзани со болест која предизвикува чир на желудникот и тенкото црево што може да предизвика металоиди, гадење и болки во стомакот.