Мариа Рита Хисмондо, директорка на одделението за микробиологија, вирологија и дијагностика на биолошката состојба во референтниот центар за заразни болести во Ломбардија, во обид да ја смири јавноста од непотребната паника за коронавирусот, напишала статус на „Фејсбук“ во која вели дека светските медиуми и државните институции во многу земји успеале една обична инфекција, да ја заменат со сериозна смртоносна пандемија.
„Мојата утринска белешка. Нашата лабораторија веќе цела вечер вади тестови. Примероци доаѓаат постојано. Мене сето ова ми личи на лудило. Заменија инфекција нешто посериозна од грип со смртоносна пандемија. Не е баш така. Погледнете ги бројките. Ова лудило многу ќе боли, посебно од економско гледиште. Моите ангели се исцрпени. Трчам да им однесам појадок. Мојата недела ќе мине во болница. Ве молам, намалете го тонот. Нека ви е радосна неделава“, напишала Мариа.
По еден час, главната докторка од споменатото одделение објавила уште еден пост, со исто така подеднакво силен апел, за да се избегне непотребна паника.
„Читајте! Не е пандемија! Во минатата недела смртноста од грипот во Италија беше 217 умрени дневно. Од коронавирус е 1“, напишала Мариа Рита Хисмондо.
Италија воведе строги мерки поради ширењето на епидемијата на коронавирусот ковид-19. Таканаречените „црвени“ градови се под будното око на полицијата, карабиниерите, дури и на војската.
Ова се глетки во Италија карактеристични за далечните 70-ти години, за време на црвениот и црниот терор на таканаречените „Оловни години“. Економските активности на земјата со 140 отсто долг на БДП вртоглаво паѓаат и ситуацијата не се смирува.
Џовани Мага, директор на Институтот за молекуларна генетика при Националното истражувачко собрание во Павија, го коментирал за агенцијата АГИ најголемото истражување спроведено ви Кина на новиот коронавирус.
„Податоците ни зборуваат дека само ограничен број на луѓе може да имаат смртоносни последици, посебно ако зборуваме за постари лица или за оние со здравствени проблеми, како што се хроничните кардиоваскуларни болести“, објаснува Мага.
„Наизглед високата смртност во провинцијата Хубеи, особено во градот Вухан, веројатно зависи од тешкотиите, особено во раните фази на епидемијата, во пружањето на правовремена и адекватна помош на сите случаи што се пријавени“, продолжува лекарот со кој разговарала агенцијата АГИ.
Вирологот го заклучува својот коментар така што ја намалува опасноста од вирусот.
„Од друга страна, како што е случајот со другите покраини, управувањето со посериозните случаи овозможило намалување на стапката на смртност на ниво од 0,1 до 0,3 отсто, потврдувајќи повторно дека тоа е заразна болест која може да даде сериозни последици, но само кај одредена група на луѓе, додека огромен процент на луѓе не доживуваат никаква сериозна патологија и со самото тоа доаѓа до излекување“, заклучил Џовани Мага.
