Милијардер загина под мистериозни околности, хеликоптерот му се срушил во село во Швајцарија

Рускиот милијардер Вичеслав Таран, загина во хеликоптерска несреќа во Швајцарија под мистериозни околности, пренесе британски „Сан“. Несреќата се случила на југоистокот на Франција во близина на селото Елзе, откако хеликоптерот Eurocopter EC130 (H130) полетал од Лозана.

dobivaj vesti na viber

Според наводите на британскиот таблоид кој се повика на локалните медиуми од Монако, во хеликоптерот било предвидено да биде уште еден неименуван патник, кој во последен момент се откажал од кобниот лет.

Друга сомнителна работа е фактот што хеликоптерот се срушил и покрај тоа што времето било убаво, пренесе Daily Mail. Францускиот пилот (35) кој управувал со хеликоптерот исто така загинал во несреќата.

Заменик јавниот обвинител во Ница го посетил местото на несреќата и рекол дека не може да ја исклучи дека и трето лице би можело да биде одговорно за несреќата.

Таран е основач на трговска и инвестиционата платформа Libertek и Forek Club, а според некои информации бил близок со руските известувачки служби. Наводно бил во врска со руските надворешни известувачки служби.

Украинската новинска агенција UNIAN го опиша како милијардер крипто-бизнисмен, обвинувајќи го дека е одговорен за перење руски средства преку системот на криптовалутни операции, пишува The Daily Star.
Смртта на Таран следи по голем број руски бизнисмени кои загинаа во мистериозни околности во периодот по избувнувањето на руската војна во Украина.
Scroll to Top