Руската блогерка Екатерина Карагланова (24) пронајдена е мртва во изнајмен стан во Москва. Нејзиното безживотно тело го пронашол сопственикот на станот.
Тој вели дека бил преплашен кога во една од собите ја затекнал Еекатерина со исечен врат. Нејзиното тело било наместено во куфер, а на себе имала само црн каиш.
На телото имала и неколку убодни рани. Поради тоа што не одговарала на повиците, нејзините родители се загрижиле за неа. Го замолиле сопственикот на станот да провери што се случува.
Мотивите за ова брутално убиство засега не им се познати на полицијата. Службите испитуваат во неколку насоки. Велат дека не го исклучуваат нејзиниот љубовен живот, се додека не пронајдат некакви траги од убиецот.
Познато е дека Екатерина ја прекинала врската со 32 годишниот љубовник и започнала врска со постар маж. Таа со нејзиниот нов партнер, 52 годишен маж, имале намера да патуваат за Холандија.
Нејзиниот последен пост е за патувањето на Крф на 22 јули. Нејзиното тело е пронајдено пет дена подоцна. Полицијата се сомнева дека љубомората на претходното момче е мотив за убиството. Засега никој не е уапсен.
Naked body of Russian beauty blogger is found stuffed in a suitcase with throat slit at her Moscow apartment https://t.co/dh3hnCVLo7
— Daily Mail Online (@MailOnline) July 29, 2019
Нејзиниот „Инстаграм“ на име Кати, има преку 80.000 следбеници. Екатерина работела во градска болница. Нејзините фанови велат дека личела на британската глумица и модната икона Одри Хепберн.
